Føremålsparagrafen: Vedtekter for Nordhordland Handverk- og Industrilag Desse vedtektene er vedtekne på skipingsmøte 3. juni 1972 og med endringar gjort på årsmøte 9. mai 1981, 24. mars 1984, 13. mai 2000, 22. april 2006 og 22. april 2009. § 1. Namn Namnet til laget skal vera: Nordhordland Handverk- og Industrilag (NHIL). § 2. Arbeidsområde Laget sitt arbeidsområde er Nordhordland og Gulen. § 3. Føremål Laget har til føremål å: ivareta medlemmene sine kollektive interesser slik at bedriftene i regionen får stadig positiv utvikling fremja forståing for næringslivet sine interesser i høve til resten av samfunnet heva kompetansenivået hos medlemsbedriftene arbeida for kollegial forståing og samhald mellom medlemmene § 4. Medlemmer Som medlemmer kan takast opp næringsdrivande innan handverk og industri eller andre bransjar som har felles interesser i næringspolitiske spørsmål etablert innanfor lagets geografiske område. personar i eller utanfor laget sitt geografiske arbeidsområde som grunna utdanning, stilling eller arbeid er knytt til næringane Æresmedlemmer kan utnemnast av årsmøtet etter innstilling frå styret når vedkomande har gjort ein særleg verdfull innsats for laget. § 5. Tilslutning til andre samskipnader Laget kan vera tilslutta andre lag og samskipnader når dette er til gagn for laget sitt arbeid og faglege og næringspolitiske interesser. Styret vedtar inn- og utmeldingar. §6. Inn- og utmeldingar Søknad om å verta tatt opp som medlem skal sendast til styret som avgjer søknaden. Avslag kan ankast til årsmøtet. Utmelding kan berre skje pr. 31. desember § 7. Årskontingent Årskontingent vert fastsett av årsmøtet og skal vera betalt innan utgangen av mai. Medlemmer som let vera å betala, kan av styret strykast frå medlemslistene og utestengjast frå laget. § 8. Styret Laget vert leia av eit styre på 9 medlemmer valde av årsmøtet. Styremedlemmene bør vera jamt fordelte frå laget sitt geografiske arbeidsområde og spegle medlemsmassen. Styreleiar vert vald ved særskilt valt for eit år om gongen. Styreleiar kan ikkje veljast att meir enn 5 år samanhengande. Dei andre styremedlemmene vert valde for 2 år. Annakvart år står 4 styremedlemmer  på val, og annakvart år står 5 styremedlemmer på val.  Styret konstituerer seg sjølv og vel nestleiar Minst 5 styremedlemer, av desse styreleiar eller nestleiar, må vera til stades for at eit styrevedtak skal vera lovleg. Styret held møte så ofte styreleiar eller 2 styremedlemmer krev det. Det skal førast protokoll over styret sine drøftingar, desse skal underskrivast av møteleiar og referent.Saker som vedkjem eit utval (jf. § 14), skal behandlast av utvalsstyret før styrebehandling. Dersom styret finn det føremålstenleg, kan styret oppnemna arbeidsutval til og bearbeide og tilretteleggje saker for styret. § 9. Styret sine funksjonar   Saman med dagleg leiar planlegg styret drifta av laget. Alle aktivitetar skal vera i samsvar med laget sitt føremål (§ 3). Styret har ansvar for laget sin økonomi og avgjer alle saker som ikkje skal avgjerast av årsmøtet. Styret skal dessutan: Skriva årsmelding om laget sitt arbeid og leggja denne fram for årsmøtet Behandla årsrekneskapen og leggja denne fram for årsmøtet Overfor årsmøtet foreslå kva medlemspengane skal vera for komande år Utarbeida framlegg til budsjett som skal leggjast fram for årsmøtet Førebu og gi innstilling i andre saker som skal leggjast fram for årsmøtet Tilsetja og avtala vilkår, samt fastsetja stillingsinstruks for dagleg leiar Styret gjer sine vedtak med alminneleg fleirtal. § 10. Styreleiar Styreleiar leier styremøta. Nestleiar leier møta når styreleiar ikkje kan møta. I saker der stemmetalet ved avrøysting er likt, har fungerande styreleiar dobbelstemme. Styreleiar  representerer laget og pliktar laget med si underskrift. § 11. Dagleg leiar Dagleg leiar ivaretek den daglege drifta og fremjar laget sine interesser. Han/ho representerer laget etter samråd med styreleiar.  Dagleg leiar rapporterer til styret. § 12. Medlemsmøte Laget skal arrangera medlemsmøte. På desse møta kan saker styret har behandla/har til behandling, refererast.  Det skal orienterast om andre saker medlemmene kan ha interesse av. Saker som vert tatt opp på medlemsmøte, skal styret behandla. § 13. Årsmøte Årsmøtet er laget sitt øvste organ. Det skal haldast kvart år innan utgangen av mai månad. Styret fastset tidspunkt og sender ut innkalling med sakliste minst 3 veker på førehand. Årsmelding og rekneskap bør følgja med innkallinga. Berre medlemmer som sjølv møter, kan røysta. Kvart medlem representerer 1 stemme. Årsmøtet er vedtaksført når minst 20 av medlemsbedrifter er til stades. Dersom frammøtet ikkje er tilstrekkeleg til at årsmøtet vert vedtaksført, skal styret kalla inn til nytt årsmøte. Dette er vedtaksført utan omsyn til frammøte. Omframt årsmøte vert halde når styret, eller minst 1/5 av laget sine medlemmer, krev det. Om nødvendig kan fristen ved innkalling til omframt årsmøte eller andre gongs innkalling til årsmøte, vera kortare enn vanleg. Årsmøtet vedtar, opphevar og forandrar laget sine vedtekter. Sakliste for årsmøtet: Velja 2 personar til å skriva under årsmøteprotokollen Årsmelding Revidert rekneskap Fastsetjing av årskontingent Budsjett Val av styreleiar og styremedlemmer Val av leiar og 2 medlemmer i valnemnda Val av revisor Fastsetjing av eventuell instruks for styre og revisor Andre saker som styret legg fram Eventuelt Det skal vera skriftleg val på styreleiar og styremedlemmer dersom det er meir enn eitt forslag, eller nokon krev det.  Dersom ingen av dei som er føreslegne til styreleiar får meir enn halvparten av røystene ved første gongs røysting, skal det røystast mellom dei to kandidatane som har fått flest røyster ved første valomgang. Den som då får flest røyster, er vald til styreleiar. Det skal førast protokoll over årsmøtet sine forhandlingar. Protokollen skal skrivast under av 2 medlemmer valde på årsmøtet. § 14. Utval Laget kan oppretta fag- eller bransjeutval. Utvala kan ha eigne vedtekter. Vedtektene må ikkje vera i strid med laget sine vedtekter, og dei må godkjennast av styret.  § 15. Vedtektsendringar For å endra laget sine vedtekter krevst det 2/3 fleirtal av frammøtte medlemmer og at forslag til vedtektsendring vert sendt ut saman med innkalling til årsmøtet. § 16. Eksklusjon Styret kan ekskludera eller suspendera for ei fastsett tid medlem som bryt laget sine vedtekter eller vedtak. Vedtak om eksklusjon eller suspensjon skal skriftleg meldast til vedkomande medlem, og vedtaket skal grunngjevast. Styret sitt vedtak kan ankast til årsmøtet. Anken har utsetjande verknad. § 17. Oppløysing Forslag om oppløysing, herunder økonomisk oppgjør, kan berre behandlast på ordinært årsmøte, og må vera kome til styret før utgangen av året. Vedtak om oppløysing krev ¾ fleirtal (av dei som møter), og 2/3 av laget sine medlemmer må ha røysta.