Årsmøtereferat 2000 År 2000 den 13. mai var det årsmøte i Nordhordland Handverk- og Industrilag. Møtet vart halde på Alver Hotel, og det tok til kl. 14.00. Det var 17 personar tilstades, og 13 medlemsbedrifter var representerte slik: Medlemsbedrift:    Representant: Seilmaker Iversen AS    Tor Iversen Helland Elektro AS    Trond Helland Norsk Hydro    Arvid Sulen Fedje Mek. Industrier AS    Svein Tangen og Magnar Uthaug Mundal Båtbyggeri AS    Nils Landro Halsvik Cementstøperi AS    Hans Wergeland Mongstad Elektro AS    Audun Fanebust Manger Fiskemat AS    Rune Fanebust Mastrevik Mek. AS    Arnt Brandtun YIT Industrier AS    Leif Ståle Vabø og Tomi Niemi Kreditkassen    Cathrine Dreyer Hermansen og Steinar Haukås Statoil Mongstad    Kåre Ness Frank Mohn Flatøy as Roald Olsvold  I tillegg var sekretær i NHIL, Jostein Skråmestø, tilstades. Formannen, Tor Iversen, vart vald til møteleiar og Jostein Skråmestø vart vald til sekretær. Medlemene hadde på førehand fått tilsendt skriftleg innkalling med sakliste og sakstilfang. Formannen foreslo å ta opp sak om medlemskontingent 2000 før budsjett 2000. Det var ingen merknader til dette og møtet vart sett. Til å skriva under protokollen vart valde: Arvid Sulen og Kåre Ness. Sak 1. Årsmelding for 1999. Årsmeldinga vart gjennomgått av formannen. Arnt Brandtun (næringsutvalet) orienterte om arbeidet med å få kompensasjon for auke i arbeidsgjevaravgifta, om rammevilkår for næringslivet, om sal av Nordhordland Kraftlag, om det mislykka forsøket på å få etablert eit innkjøps/logistikkselskap i regionen, og om møter med Statoil Mongstad og Norsk Hydro. Arvid Sulen (kommunikasjonsutvalet) orienterte om arbeidet med revisjon av presentasjonskatalogen, lagsturen. leiarnettverket "Tryggare Styring" og om arbeidet med utarbeiding av strategiplan for laget. Rune Fanebust (utdanningsutvalet) orienterte om prosjekt for kartlegging av kompetanse og kompetansekrav i nokre utvalde bedrifter. Utvala stod for øvrig til disposisjon for å svara på eventuelle spørsmål. Vedtak: Årsmelding for 1999 vert vedteken slik den ligg føre.   Sak 2. Rekneskap for 1999. Rekneskap for 1999 var utsendt til medlemene på førehand. Til årsmøtet var rekneskapen revidert av revisor, som ikkje hadde merknader. Sekretæren gjekk gjennom tala for 1999. Årsmøtet hadde ingen merknader. Vedtak: Rekneskapen for 1999 vert vedteken slik den ligg føre.   Sak 3. Medlemskontingent og Budsjett for 2000. Styret tilrår desse kontingentsatsar for år 2000: For einmannsverksemder    kr. 300,-. For verksemder med 2-4 tilsette    kr. 500,- For verksemder med 5-10 tilsette    kr. 700,-. For verksemder med 11 tilsette eller meir    kr. 1.200,-. Vedtak: Styret sitt framlegg til kontingentsatsar for 2000 vert vedteke. Budsjett 2000 Styret tilrår fylgjande budsjett for 2000:   Inntekter: Utgifter: Medlemskontingent 90 000   Prosjektinntekter 90 000   Andre inntekter 109 500         Sekretærtenester   25 000 Kontorutgifter, porto, m.m.   10 000 Refusjon utgifter formann   2 000 Reiseutgifter styret   9 000 Til disp. for styret   20 000 Prosjektutgifter   90 000 Møter, arrangement, turar,   90 000 Andre utgifter   20 000 Tiltak i strategiplanen   23 500   289 500 289 500   Vedtak: Styret sitt framlegg til budsjett for 2000 vert vedteke.   Sak 4. Strategiplan for NHIL 2000 - 2003. Formannen i kommunikasjonsutvalet, Arvid Sulen, orienterte om arbeidet med planen og presenterte innhaldet i dei ulike tiltak. Planen var også på førehand sendt ut skriftleg til alle medlemene. Årsmøtet hadde ingen merknader til planen. Vedtak: Strategiplan for NHIL 2000 - 2003 vert vedteken slik den ligg føre.   Sak 5. Forslag til vedtektsendringar. Styret vedtok på styremøte 04. april 00 slikt forslag til endring av vedtektene: § 12. Årsmøte sine funksjonar  ................. §12, nytt pkt f): Val av formann og to medlemer i valnemnda. Dei øvrige underpunkt til §12 vert forskyvd tilsvarande nedover i avsnittet. §12, 2. ledd, første setning: Tillegg i slutten av setninga: ..... hvis det er meir enn eitt forslag eller nokon krev det. §12, 2. ledd første setning får dermed denne ordlyd: Formannen og dei andre styremedlemene vert valde skriftleg hvis det er meir enn eitt forslag eller nokon krev det. Formannen orienterte årsmøtet om innhaldet og grunnen for dei to endringsforslaga og årsmøtet hadde ingen merknader. Vedtak: Forslag til endring i vedtektene § 12, nytt pkt. f, og § 12, 2. ledd første setning, vert vedteke. Sak 6. Val av styre og formann Formannen i valnemda, Roald Olsvold, orienterte om nemda sitt arbeid.  4 styremedlemer sto på val. Av desse har Magne Hope sagt frå seg attval.  Valnemnda gjorde slikt framlegg: Trond Helland, attval Øystein Hope, ny Arnt Brandtun, attval Tor Iversen, attval Valnemnda gjorde framlegg om Tor Iversen som formann. Valnemnda sitt framlegg på styre og formann vart samrøystes vedteke. Styret for 2000 vert då: Tor Iversen, formann Trond Helland Øystein Hope Arnt Brandtun Arvid Sulen Hans Wergeland Ivar K. Johannessen Nils Landro Rune Fanebust Val av revisor m/varamann: Vedtak: Svein Hodneland vert vald til revisor, med Oddvar Sundsbø som varamann. Sak 7. Oppnemning av valnemd: Vedtak: Valnemd vert: Roald Olsvold, formann, Svein Tangen og Magne Hope. Sak 8. Utnemning av æresmedlem Formannen opplyste at styret har innstilt på utnemning av Magne Hope som æresmedlem i laget. Magne Hope var med på stiftingsmøtet i 1972 og har sidan 1980 vore styremedlem. I to periodar, 1982-83 og 1990-91, var han formann. Han har også vore medlem i ulike råd og utval som styret har oppnemnd og har etter styret si meining lagt ned eit særleg verdfullt arbeid for å fremja laget sitt føremål. Vedtak: Magne Hope vert utnemnd til æresmedlem i Nordhordland Handverk- og Industrilag. Alle vedtak på årsmøtet var samrøystes. Det var ingen andre saker og møtet var slutt kl. 15.20. I samband med det tillyste foredrag om havbruk, kystsoneplanlegging m.m. hadde laget også invitert nokre sentrale lokale oppdrettsbedrifter. Oppdrettar Øyvind Holsen fra Rylandsvåg drift as møtte opp, men foredraget måtte utgå då foredragshaldar ikkje kom. I staden svara Øyvind Holsen på spørsmål om same tema. Årsmøtet fekk verdfull informasjon om ei næring som også i framtida vil vera viktig for regionen.   Kåre Ness (s)                                                     Arvid Sulen (s)